منتديات رواسي حائل
بسم الله الرحمن الرحيم
عزيزي الزائر /عزيزتي الزائرة :يرجى التكرم بتسجيل الدخول اذا كنت عضو معنا
او التسجيل ان لم تكن عضو معنا وترغب با الانضمام الى اسرة المنتدى
سنتشرف بتسجيلك
شكرا
ادارة المنتدى


{جميـع.آلموٍآضيع.وٍآلمشآرٍكآت.المطرٍوٍحه.تعبـرٍ.عن.رٍإي.صاحبهآ.ولآتعبــرٍ.عن.رٍإي.المنتـدى.بـآي.شكل.من.آلآشكـآل}
 
الرئيسيةاليوميةمكتبة الصورالمجموعاتالتسجيلدخول
الاخوة الكرام :سياسه المنتدى لاتسمح بوضع صور نساء

شاطر | 
 

 يلعن امك ياشيخ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مــالـكـ
الدعم الفني للمنتدى ورئيس الادارة
الدعم الفني للمنتدى ورئيس الادارة


رقم العضوية : 1
الجنس : ذكر
تاريخ التسجيل : 21/08/2010
عدد المشاركات : 536
العمر : 24

مُساهمةموضوع: يلعن امك ياشيخ؟؟؟    الإثنين أغسطس 23, 2010 5:25 pm

السلام عليكم..

كيف الحاال / أخباااركم ؟؟..


.......




بصراحه فيـه موضوع شدني واحنـا غافلين عنه من جد ..



ما تلاحظون إن كلمـة [ يلعـن أمـك ]
إنتشرت إنتشار غريـب و مريب ..

وصار اللي يقولها عــااادي جـدآ ..
كأنه قايـل [ السـلام عليكم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!






بعض الشبـاب الله يهديهم اللحين بالعكس
صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !




مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ]
مـدّ هالخشه شبرين كأنه قايل له شعر يمدحه ..!



و إلاّ بعض الشبـاب .. واحد يسأل الثـاني :
وش رايك باللاعب الفلاني ..؟

يقول : يلعـن أمه يلعـب من جد ..!

طيب أبي أفهـم .. وش دخل أمــه بالموضوع ..؟!


للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..


د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

ولاَ كأنهم قالوا شي ...!!


وللأسف إنها تقريبـآ أكثر كلمـة تنقال هالأيام ..
الحمد لله مااقولها
الله يهدينا بس

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب
اللي تحصلـه من هالكلمـة ..!

بس لا تنسى و إنت تقول هالكلمـة
أنك تسوي شيء من الكبــائـر ..

أنت تخيلت معي ..؟!

كبـائـر الذنـوب ..!!

صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه }
راوه مسلم .



وش رآيكـم ..؟

وش الحل لهذي المشكلـة الخطيرة ..؟

يعني لهـا الدرجـة مافيـه إحترام ولا تقـدير للأم ..؟!

مـــوضوع أحــــسّه يستحـــــق النقــــاش .. //

تحياتي للجميع


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://albar9.0wn0.com
 
يلعن امك ياشيخ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رواسي حائل :: الاقسام العامة :: قسم النقاش الجاد-
انتقل الى: