السلام عليكم ورحمة الله وبركاته
( صباح الخير .. مساء الخير )
قصيده اعجبتني للشاعر .. عايض الظفيري
في شاعر المليون
ان شاء الله تعجبكم
.
.
.
ياثـقل نفـسي عـلـى نـفـسي ويـآصبره
ثـنـيتـها لـين صارت غـصب تـثنيني
أعـيش مـانـيـب لاراضـي ولا مـكـره
احـلام واوهــام تـغـريـنـي وتـغـويني
هـالـليل دربـن سـهرتـه واخره بـكـره
بـكره خذا الامـس مني وش بيعطيني
يــقـدر يـرجـع ظـلامـي مثل مايخبـره
قـبـل صــلاة الـعشى وامـي تـناديني
يـاولـيدي الـلـيل ليّـل غـابـت الصفـره
تـعـال وامـرح وخـيك بـيـنـك وبـيني
ايـام كـنـت اسـئل امـي لـيـلـنا شكبـره
انـام واسـمـع ولـيـدي يـا بـعـد عـيني
هـالـكـون ماهز في راسي ولا شعـره
ماهزني غير صوت امـي تـصحيني
كـنـت احـسب الوقت لايظلم ولا يكره
كـنـت احـسـبنـي ابـكبر بـس بسنيني
طـفـلن كـبـير يـتشـيـطن حزة السهره
والـصـبح مـاكان ذاك الوقت يعنيني
مـاكـان هـالـصبـح يـغـريني وابنتظره
الا عـلشـان لـعـبـي مـع حـبـيـبـيـني
ماكنت احسب الزمن قاسي على كثره
كنت احسب انه إلى احلامي يوديني
هـاللـحين ياخيـبتي عشره على عشره
هـالـلـحـيـن يـانفس لوميني ولوميني
عــشـــتــه وشـفـتـه يـاصعبه وياقشره
مافـيه شـيّــن قـدر حــتــى يـسـليني
وش اخـر الـصبـر يـانفسن نفذ صبره
ثـنـيـتـهـا والـزمـن لابــــد يـثـنـيـنـي
السبت أغسطس 28, 2010 5:43 am