في هجعت النيام والجو صافي

في هجعت النيام والجو صافي

ابديت قاف(ن) من المعاليق وافي

للي غلاهم في ضميري تعدى

حدود شعري والقلم والقوافي

اهلي عسى عدوانهم فدوة(ن) لهم

في قربهم بلسم على النفس شافي

يبرى جميع ماعلق بالضماير

من هموم دنيا كثر فيها التجافي

شهر(ن) معاهم لي من الوقت باقي

يالله عسى الباقي من الوقت كافي

امي عساني فدوة ادموع عينها

اللي لها قلب من الحقد صافي

الله يعوضها ويخفف عليها

يوم الموادع وما خفى فيه كافي

اضحك وعيني الدمع غارق(ن) بها

واتصنع الفرحه بكل احترافي

وقد قالوا اصدق حزن بعيون تدمع

ومبسم يردد ترى الفرقا عوافي